کیا معذورشرعی امامت کروا سکتا ہے؟ 

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ



اگر امام کا عذر جسمانی ہے اور وہ قیام، رکوع،  سجدہ یا جلسہ سے عاجز ہے مگر تقویٰ و طہارت اور علم و فضل کے اعتبار سے موجود افراد میں سے افضل ہے اور لوگ اس کی اقتداء میں نماز پڑھنا باعث سعادت سمجھتے ہیں تو اس کی امامت میں کوئی حرج نہیں۔ تاہم عمومی طور پر بہتر اور مستحسن یہی ہے کہ معذور کی بجائے صحت مند شخص امامت کرے۔

اگر امام کا عذر شرعی ہے اور وہ کسی ایسی بیماری میں مبتلا ہے جس کی وجہ سے نماز کے پورے وقت میں اس کا وضو اتنی دیر بھی نہیں رہتا کہ وہ فرض نماز ادا کر سکے، ایسا معذو اپنے مثل یا اپنے سے زائد عذر والے کی امامت کر سکتا ہے۔ کم عذ ر والے یا صحت مند کی امامت نہیں کر سکتا۔

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم